...ដើម្បីទទួលស្គាល់ស្នាដៃច្នៃប្រឌិត ឌីជីថល ដ៏ល្អបំផុតនៅកម្ពុជា

Cambodia​ ​ICT​ ​Awards ​គឺជា​​កម្មវិធី​ពានរង្វាន់​បច្ចេកវិទ្យា គមនាគមន៍​ និង​ព៌ត័មាន​​ថ្នាក់​ជាតិ​ធំ​ជាង​គេបំផុត​ ​ ក្នុង​ព្រះរាជាណាចក្រ​កម្ពុជា​ដើម្បី​​ទទួលស្គាល់​ សមិទិ្ធ​ផល​ ស្នាដៃ​ ​និង​ជោគជ័យ​នានា​លើន​វានុវត្តន៍​ឌីជីថល ក្នុង​វិស័យ​ បច្ចេកវិទ្យា​ គមនាគមន៍​ និង​ព័ត៌មាន​ ​(​ICT​) ​​នៅក្នុង​ព្រះរាជាណាចក្រ​កម្ពុជា។

ការចុះឈ្មោះ

ដើម្បីចូលរួម ប្រកួតប្រជែង ពាន​រង្វាន់​បច្ចេកវិទ្យា​គមនាគមន៍​និង​ព័ត៌មាន​កម្ពុជា​ឆ្នាំ ២០២១ សូមចុចលើតំណរភ្ជាប់​ខាងក្រោម
ចុះឈ្មោះ ឥឡូវនេះ

វីដេអូ របស់ជ័យលាភីទាំង៥ នៃ ពាន​រង្វាន់​បច្ចេកវិទ្យា​គមនាគមន៍​និង​ព័ត៌មាន​កម្ពុជា​ឆ្នាំ ២០២០ វីដេអូ​ #CICTA20

ប្រភេទពានរង្វាន់

កម្មវិធី ដែលអាចដាក់បញ្ចូលជាបេក្ខភាព ដើម្បីទទួលពានរង្វាន់ ត្រូវតែជាកម្មវិធី ដែលបានដាក់ឱ្យគេប្រើប្រាស់រួចហើយ លើកលែងតែស្នាដៃស្រាវជ្រាវ និងអភិវឌ្ឍន៍ ដែលអាចមានត្រឹមតែជា គំរូសាកល្បងបាន

shape shape shape
សេវារដ្ឋាភិបាលឌីជីថល ល្អបំផុតប្រចាំឆ្នាំ

សំដៅលើផលិតផល សេវាកម្ម ​ឬ​ស្នាដៃ​របស់​ «​ក្រសួង ស្ថាប័ន​រដ្ឋ​» ដែល​បាន​ប្រើប្រាស់​ បច្ចេកវិទ្យាឌីជីថល​ ​សម្រាប់ជាមធ្យោបាយក្នុងការផ្ដល់សេវាសាធារណៈ ក្នុងគោលដៅពង្រឹងប្រសិទ្ធភាព នៃការផ្ដល់សេវាសាធារណៈ និងដោះស្រាយបញ្ហាជូនប្រជាពលរដ្ឋ និងសាធារណជន។

shape shape shape
ស្ថាប័ននវានុវត្តន៍ឌីជីថល ល្អបំផុតប្រចាំឆ្នាំ

សំដៅលើផលិតផល សេវាកម្ម ឬស្នាដៃរបស់ក្រុមហ៊ុន/ស្ថាប័ន​ ដែល បានច្នៃប្រឌិត និង ប្រើប្រាស់បច្ចេកវិទ្យាឌីជីថល ដើម្បីជំរុញប្រសិទ្ធភាពអាជីវកម្ម/សហគ្រាសរបស់ខ្លួន ឱ្យកាន់តែល្អប្រសើរ ដោយផ្គត់ផ្គង់នូវផលិតផល និងសេវាកម្មថ្មីៗ ដើម្បីប្រកួតប្រជែងនៅក្នុងទីផ្សារ។

shape shape shape
បច្ចេកវិទ្យានវានុវត្តន៍សង្គម ល្អបំផុតប្រចាំឆ្នាំ

សំដៅលើផលិតផល ​សេវាកម្ម ​ឬ​ស្នាដៃ​របស់​ ក្រុមហ៊ុន/ស្ថាប័ន ដែលបានច្នៃប្រឌិត និងប្រើប្រាស់​បច្ចេកវិទ្យា ICT ឬឌីជីថល ដើម្បីបម្រើផលប្រយោជន៍ដល់សង្គម និងរួមចំណែកអភិវឌ្ឍន៍ដល់សេដ្ឋកិច្ចរបស់សហគ្រាសសង្គម។

shape shape shape
មាតិកាឌីជីថល ល្អបំផុតប្រចាំឆ្នាំ

សំដៅលើផលិតផល សេវាកម្ម ឬស្នាដៃឌីជីថលរបស់ ក្រុមហ៊ុនឯកជន ឬអង្គការក្រៅរដ្ឋាភិបាល ដែលបានច្នៃប្រឌិត និងប្រើប្រាស់ ICT ដើម្បីបង្កើតជាមាតិកាឌីជីថលផ្សេងៗ ដូចជា វីដេអូ ហ្គេម មេរៀន ឯកសារជាសម្លេង ។ល។ ដែលអាចរួមចំណែកលើកកម្ពស់ការផ្ដល់នូវចំណេះដឹង ការកំសាន្ត និង ដោះស្រាយបញ្ហារបស់ប្រជាពលរដ្ឋ សាធារណជន និងសង្គម។

shape shape shape
ធុរកិច្ចថ្មីឌីជីថល ល្អបំផុតប្រចាំឆ្នាំ

សំដៅលើផលិតផល សេវាកម្ម ឬស្នាដៃរបស់​ធុរកិច្ចថ្មីឌីជីថល ដែលមានអាយុមិនលើសពី ៣ឆ្នាំ ដោយរាប់ចាប់ពីថ្ងៃ ចុះបញ្ជីពាណិជ្ជកម្មជាផ្លូវការ។ Digital Startup ត្រូវតែ ជាក្រុមហ៊ុន ដែលបានបង្កើតសមិទ្ធិផលថ្មី ជាមួយគំនិតនវានុវត្តន៍ថ្មី ដោយប្រើបច្ចេកវិទ្យា គមនាគមន៍​ និងព័ត៌មាន។

shape shape shape
ការស្រាវជ្រាវ និងអភិវឌ្ឍន៍ឌីជីថល ល្អបំផុតប្រចាំឆ្នាំ

សំដៅលើផលិតផល សេវាកម្ម ឬស្នាដៃរបស់ក្រុមហ៊ុន/ស្ថាប័ន ​ដែលមានស្នាដៃក្នុងការងារស្រាវជ្រាវ​ និងអភិវឌ្ឍន៍ ក្នុងវិស័យ ICT​ ដូចជាការរកឃើញ រូបមន្តថ្មី វិធីសាស្ត្រថ្មី វិធានថ្មី ការបង្កើតថ្មី។ល។

កាលបរិច្ឆេទ

១៥ កក្កដា ឆ្នាំ ២០២១
ចាប់ផ្តើមការចុះឈ្មោះ

រាល់ព័ត៌មានរបស់បេក្ខជន សូមសរសេរជាភាសាអង់គ្លេស។

២៥ សីហា ២០២១

៣១ សីហា ២០២១

បិទការចុះឈ្មោះ

គណៈកម្មការ នឹងពិនិត្យមើលលក្ខណវិនិច្ឆ័យរបស់បេក្ខជននិមួយៗ។ បេក្ខជន ដែលបានបំពេញព័ត៌មានគ្រប់គ្រាន់ តាមលក្ខណវិនិច្ឆ័យតម្រូវរបស់កម្មវិធី នឹងត្រូវបានបញ្ជូនទៅកាន់ គណៈចៅក្រម។

១១ តុលា ២០២១
វគ្គពាក់កណ្តាលផ្តាច់ព្រ័ត្រ

ចៅក្រមនឹងធ្វើការជ្រើសរើសសម្រាំងបេក្ខជន​ ដើម្បីបញ្ជូនទៅកាន់ការវាយតម្លៃ និងជ្រើសរើស ជ័យលាភី ២០២១ ក្នុងវគ្គផ្តាច់ព្រ័ត្រ។

២៦ តុលា ២០២១
វគ្គផ្តាច់ព្រ័ត្រ

ការប្រជុំរបស់គណៈចៅក្រម ដើម្បវាយតម្លៃ និងសម្រេចជ្រើសរើស ជ័យលាភី ២០២១ នឹងធ្វើឡើងដោយត្រឹមត្រូវ សុក្រឹត យុត្តិធម៌ និងតម្លាភាពបំផុត។

ជូនដំណឹងពេលក្រោយ
ប្រកាស និងទទួលពានរង្វាន់
ជូនដំណឹងពេលក្រោយ
ចូលរួមប្រកួតថ្នាក់តំបន់ និងសាកល

គណៈចៅក្រមប្រចាំឆ្នាំ ២០២១

គណៈចៅក្រមទាំង ៦ រូបមានដូចជា៖

JUDGE
លោក លឹម តារារិទ្ធ

ប្រធានអគ្គនាយកប្រតិបត្តិ
អេយូភីភីគ្រុប

JUDGE
អ្នកស្រី Meloney C.Lindberg

នាយិកាប្រចាំប្រទេសកម្ពុជា
មូលនិធិ អាស៊ី

Judge
ឯកឧត្តមបណ្ឌិត ឈៀង វណ្ណមុនិណ្ឌ

នាយកប្រតិបត្តិ
សហគ្រិនខ្មែរ

Judge
លោក Sovann Yao (Yuya)

នាយកប្រតិបត្តិ
ក្រុមហ៊ុន Huawei ប្រចាំកម្ពុជា

Judge
អ្នកស្រី Mila Jivkova Kusheva

នាយកផ្នែកទីផ្សារ
ក្រុមហ៊ុនស្មាតអាហ្សាតា

Judge
លោក Francois DU TOIT

នាយកផ្នែកព័ត៌មានវិទ្យា
ក្រុមហ៊ុនជីបម៉ុង

សំណួរ/ចម្លើយ

១. តើអ្នកណាខ្លះ អាចដាក់ពាក្យចូលរួមជាបេក្ខភាព ដើម្បីទទួលពានរង្វាន់នេះបាន?

ក្រសួងស្ថាប័ន​រដ្ឋ ​អង្គការ​ក្រៅ​រដ្ឋាភិបាល​ក្នុង​ស្រុក​ ក្រុមហ៊ុន​ឯកជន ​សាកលវិទ្យាល័យ ដែល​បាន​ចុះបញ្ជី​​ និង​មាន​អាជ្ញាប័ណ្ណ​ពាណិជ្ជកម្ម​ត្រឹមត្រូវ​ស្រប​ទៅតាម​ច្បាប់​នៃ​ព្រះរាជាណាចក្រ​កម្ពុជា​ ។ ដោយឡែក និស្សិត ក៏អាចដាក់ពាក្យចូលរួមប្រកួតបានផងដែរ ប្រសិនបើស្នាដៃរបស់គាត់ជា «ការស្រាវជ្រាវ និងអភិវឌ្ឍន៍លើវិស័យឌីជីថល» ។

២. តើត្រូវមានលក្ខណៈសម្បត្តិអ្វីខ្លះ ដើម្បីអាចដាក់ពាក្យបាន?

កម្មវិធី​ ​ឬ​សេវាកម្ម ​ដែល​ដាក់ពាក្យ​​ត្រូវតែ​មាន​កម្មសិទ្ធិ​បញ្ញា​ដោយ​ក្រុមហ៊ុន/ស្ថាប័ន​សាមី​ផ្ទាល់​​ និង​អភិវឌ្ឍន៍​ ​ឬ​បង្កើតឡើង​ដោយ​ប្រើប្រាស់​ធនធាន​យ៉ាងហោចណាស់​៥១​% ​នៅក្នុង​ព្រះរាជាណាចក្រ​កម្ពុជា​ ។​

៣. តើ​ព័ត៌មាន​របស់​បេក្ខជន ​​ដែល​បាន​ដាក់ពាក្យ​ ត្រូវបាន​ប្រកាស​ជាសាធារណៈ​ឬ​ទេ​? ​

ឈ្មោះ​ ​និង​ព័ត៌មាន​លម្អិត​របស់​បេក្ខជន ​​ដែល​បាន​ដាក់ពាក្យ​ ​មិន​ត្រូវបាន​បង្ហាញ​ជាសាធារណៈ​ទេ ​។​ មានតែឈ្មោះរបស់ជ័យលាភី ២០២១ទទួលរង្វាន់ប៉ុណ្ណោះ ដែលនឹងត្រូវប្រកាស ។ ព័ត៌មាន​លម្អិតរបស់បេក្ខជនទាំងអស់ ត្រូវបាន​រក្សា​សិទ្ធិជា​ការសម្ងាត់​ ​។ ​មាន​តែ​គណៈកម្មកា​ឬ​ចៅក្រម ​ដែល​ទទួលបន្ទុក​ប៉ុណ្ណោះ​ ​ដែល​បាន​ឃើញ​ព័ត៌មាន​ទាំងនោះ​ ដើម្បីសិក្សា វាយតម្លៃ និងជ្រើសរើសជ័យលាភី ២០២១ ។ ចៅក្រម អាចនឹងស្នើសុំព័ត៌មានបន្ថែមពីបេក្ខជន ក្នុងករណីចាំបាច់ ​។​

៤. តើជ័យលាភី ២០២១ពីកម្មវិធីពានរង្វាន់នេះ ទទួលបានអត្ថប្រយោជន៍អ្វីខ្លះ?

​កេរ្តិ៍​ឈ្មោះរបស់​ជ័យលាភី ២០២១​ នឹង​ត្រូវបាន​ផ្សព្វផ្សាយ​យ៉ាង​ទូលំទលាយ ​។​ ជ័យលាភី ២០២១ នឹងមានឱកាសចូលរួមកម្មវិធីពានរង្វាន់ផ្សេងៗទៀត ក្នុងតំបន់ និងសាកល តាមរយៈក្រសួងប្រៃសណីយ៍ និងទូរគមនាគមន៍ ។​

៥. តើ​សមាសភាព​ចៅក្រម​ វាយតម្លៃ​​ និង​ជ្រើសរើស​ជា​អ្នកណា​? ​

សមាជិកចៅក្រមត្រូវបានតែងតាំងចេញពីតំណាងក្រសួងស្ថាប័នរដ្ឋ វិស័យឯកជន គ្រឹះស្ថានអប់រំ និងសង្គមស៊ីវិល ដែលមានចំណេះដឹង ជំនាញ និងបទពិសោធន៍ក្នុងវិស័យ ICT និង/ឬវិស័យ ដែលទាក់ទង យ៉ាងតិច ០៥ ឆ្នំា ។

៦. តើដំណើរការនៃការវាយតម្លៃ និងជ្រើសរើសជ័យលាភី ២០២១ ប្រព្រឹត្តទៅដូចម្តេច?

ចៅក្រម​ម្នាក់​ៗ​​នឹង​ពិនិត្យមើល​ព័ត៌មាន​របស់​បេក្ខភាព​និមួយ​ៗ​ ​រួចហើយ​ប្រជុំ​វាយតម្លៃ​​សម្រេច​ជ្រើសរើស​ ​។ ​ចៅក្រម​ ​មាន​សិទ្ធ​សម្រេច​ជ្រើសរើស​ជ័យលាភី ២០២០១ដោយ​គោរព​ទៅ​តាម​ល័ក្ខខ័ណ្ឌ​នៃ​កម្មវិធី​ពានរង្វាន់​ថ្នាក់​ជាតិ​នេះ​ ​។ ​ការសម្រេច​ជ្រើសរើស​ជ័យលាភី ២០២១នីមួយ​ៗ ​​នឹង​ត្រូវ​ផ្អែក​លើ​លទ្ធផល​វាយតំលៃ​សរុប ​ដោយ​ក្រុម​ចៅក្រម​ ។ ចៅក្រម អាចនឹងស្នើសុំឱ្យមានការធ្វើបទបង្ហាញផ្ទាស់ពីបេក្ខជន ក្នុងករណីចាំបាច់ ។

៧. តើលក្ខណៈសម្បត្តិវាយតម្លៃ និងជ្រើសរើស ផ្អែកលើគុណសម្បត្តិអ្វីខ្លះ?

លក្ខណៈ​សម្បត្តិ​វាយតម្លៃ​ ​និង​ជ្រើសរើស​ ផ្អែក​លើ​គុណសម្បត្តិ​មួយចំនួន​ដូចជា​៖​​

  1. ក. ន​វានុវត្តន៍​បច្ចេកវិទ្យា ​(​Tech​ ​Innovation​)

    នវានុវត្តន៍ គឺជាការបង្កើតឡើងអ្វីមួយ ជាមួយនឹងវិធីសាស្ត្រថ្មី។ ការនាំមកនូវនវានុវត្តន៍ចូលក្នុងអាជីវកម្មរបស់អ្នក អាចជួយអ្នកសន្សំសំចៃពេលវេលា និងថវិកាហើយផ្តល់ឱ្យអ្នកនូវគុណសម្បត្តិប្រកួតប្រជែង ដើម្បីអភិវឌ្ឍន៍ និងសម្របខ្លួនអាជីវកម្មរបស់អ្នកនៅក្នុងទីផ្សារ។

  2. ខ. ដោះស្រាយ​បញ្ហា​ ​(​Problem​ ​Solving​)​

    សំដៅលើរបកគំហើញថ្មី ដោយប្រើប្រាស់បច្ចេកវិទ្យាឌីជីថល មកដោះស្រាយបញ្ហាជាក់លាក់ណាមួយ ឱ្យមានប្រសិទ្ធភាពជាងដំណោះស្រាយ ដែលធ្លាប់មានពីមុន ចំណេញទាំងពេលវេលា ថវិកា និងធនធានផ្សេងៗទៀត ។

  3. គ. ប្រសិទ្ធភាព​នៃ​ប្រតិបត្តិការ​ ​(​Efficiency of Operation)​ ​

    សមត្ថភាពរបស់សហគ្រាស ក្រុមហ៊ុន ឬស្ថាប័ន ក្នុងការចែកចាយផលិតផល ឬផ្តល់សេវាកម្ម ដល់អតិថិជនរបស់ខ្លួនប្រកបដោយប្រសិទ្ធភាព ដោយចំណាយតិចបំផុត តាម ដែលអាចធ្វើទៅបាន ហើយនៅតែធានាបាននូវគុណភាពខ្ពស់នៃផលិតផល សេវាកម្ម និងការគាំទ្រ។

  4. ឃ. យុទ្ធសាស្ត្រ​ទីផ្សារ​ ​(​Marketing​ ​Strategy​) ​

    សកម្មភាពទាំងឡាយណា ដែលក្រុមហ៊ុន​ ឬអាជីវកម្មមួយធ្វើ ដើម្បីទាក់ទាញអតិថិជន និងបង្កើតទំនាក់ទំនងល្អជាមួយពួកគេ​ក្នុងគោលបំណងផ្សារភ្ជាប់ផលិតផល និងសេវាកម្ម ជាមួយ នឹងអតិថិជន ដើម្បីទទួលបានចំណូល និងចំណាប់អារម្មណ៍ពីពួកគេ ។

គាំទ្រដោយ
រៀបចំដោយ
សហការឧបត្ថម្ភដោយ